الرئيسية
أحدث الصور
من طرف سفينة المحبة الخميس أبريل 16, 2009 5:53 am
كلنا بنعرف ان بآخر فترة انتشرت الكوفيات الملونة ... زهري و أخضر و أحمر و الألوان اللي بدكو اياها
كلنا حبيناها على انها موضة بس للأسف اذا بنشوف الورقة اللي بتكون على الكوفية أو الحطة بنلاقي مكتوب بالعبري ( أورشليم ) يعني القدس و اذا بحثنا منيح عن هذه الكوفيات و مين اللي صنعها رح نلاقي إسرائيل هي اللي صنعتها و أصدرتها
و السبب ... تشويه التراث الفلسطيني و طمس الكوفية العربية عموماً و الفلسطينية خصوصاً
اليهود سرقوا أراضينا و سرقوا بيوتنا و ممتلكاتنا حتى الأكلات الشعبية سرقوها و نسبوها لهم و هلأ الكوفيات
و للأسف الشديد احنا و من غير قصد بنساعد في طمس الكوفية الفلسطينة اللي لبسها آبائنا و أجدادنا و أجداد أجدادنا و اللي ريحة فلسطين و دم الشهداء فيها
ممكن تكون القضية بنظركم مجرد حطة ... مجرد موضة متل ما بفكر اغلبكم بس الحقيقة مش هيك بنظرهم
هم بدهم يشوهوا أي شي برمز لنا , يعني المنظر مش حلو أبداً لما يكون يوم الإستقلال بدل ما تشوف حطات فلسطين تشوف حطات بكل الألوان و بكل الأشكال ... يعني بدل ما نحيي الحطة الفلسطينية إحنا خلينا الحطات الإسرائيلية الملونة تحل محلها
الغرب و إسرائيل ما عندهم تاريخ و هم بصنعوا تاريخ و تراث إلهم و احنا بدل ما نعتز بتراثنا و نحييه بنروج لتراثهم المصطنع و بندعمهم !!!
هلأ بظن ما بقي محل للحكي و الرأي صار يرجع إلك و ما بظن إنك بتبيع شي من تراث فلسطين بإسم انها مجرد ... موضة !!!
مش مقتنعين ؟ شوفوا معي هاد العلم
